急問--- 等拎鎖匙上樓期間, 入息有變是否需要再申報?

CuiteCat

急問--- 等拎鎖匙上樓期間, 入息有變是否需要再申報?

各位好, 我係新會員, 剛才有爬過文, 都有睇過一些其他會員分享等候拎鎖匙前嘅經驗
但都無一個分享我可以作為參考, 所以開帖急問

事情係咁, 我同我老公加一個就出世bb, 已經轉為3人輪候, 已輪候7年, 喺上年2018年頭 S2 審查階段我哋2個都係報無業, 靠積蓄過活
到咗上年8月成功轉S4 獲派蘇屋2期 3-4人單位
但因為BB 下個月出世, 積蓄又就嚟用哂, 所以我老公喺上年12月經朋友介紹一份長工, 喺今年2019年1月1日正式開始長工合約
固定薪金係$19700 (未扣MPF)

咁我想請問大家, 現在我未拎鎖匙, 是否需要立即通知房署有變動?
定係等拎鎖匙嗰陣填入息資產申報表直接填呢個新入息金額就得?

ckw1213

各位好, 我係新會員, 剛才有爬過文, 都有睇過一些其他會員分享等候拎鎖匙前嘅經驗
但都無一個分享我可以作...
CuiteCat 發表於 2019-02-13 14:37:12 原文

拎鎖匙報就可以了，19700三人唔超額ok的。

CuiteCat

拎鎖匙報就可以了，19700三人唔超額ok的。
ckw1213 發表於 2019-02-13 14:41:23 原文

謝謝回覆
因為我啱啱爬文, 見有會員話喺簽意向書,主要講解時話, 一日未拎鎖匙, 如入息資產有變動並沒有即時通知, 到收匙嗰陣填嘅申報與之前審查資料有出入
會有機會當係虛報甚至會收樓, 所以我而家好驚......

starlight9721

你個case 都幾特別喎, 以我所知蘇屋2期都派緊鎖匙, 好少人會喺拎鎖匙前會有入息資產變動
純粹個人睇法, 按現時房署3人入息上限,  $19700 確係無超額, 但亦都要你自己睇返有冇其他保險/股票紅利, 因為會當入息計
如果計埋其他數值都係無超額, 我又覺得你拿拿聲報返俾房署都唔會有咩問題, 都係求個心安理得, 住落又唔會怕俾人抽查,收樓等等問題

CuiteCat

你個case 都幾特別喎, 以我所知蘇屋2期都派緊鎖匙, 好少人會喺拎鎖匙前會有入息資產變動
純粹個人睇...
starlight9721 發表於 2019-02-13 14:58:50 原文

謝謝回覆, 想請教下, 如果我立即報返俾房署有入息變動, 程序會係點? 有可能要去樂富見主任? 會唔會影響收匙收樓時間?
因為我BB 下個月出世, 我驚會有影響

Kk33883388

。

ckw1213

謝謝回覆
因為我啱啱爬文, 見有會員話喺簽意向書,主要講解時話, 一日未拎鎖匙, 如入息資產有變動並沒有即時...
CuiteCat 發表於 2019-02-13 14:46:33 原文

其實你BB出世係咪4人，唔明你係3人定4人，報入息唔洗咁担心，你拎匙報入息冇問題喎! 好多人過年後都一樣加咗人工，入息都有變動，唔通個個都去申報加人工？總之我覺得拎匙果日入息及資產不超申請上限就ok。

CuiteCat

回應 #7 ckw1213

BB出世後係3人, 我有問過房署職員, 現時已經係按3人申請資格, 入息資產限額都係按3人, 所以獲派3-4人單位
而我老公都叫朋友介紹間新公司薪金唔好超過3人入息上限

你咁講又好似有道理, 但我個憂慮係, 原本我兩公婆都係失業, 由零變有, 應該算係大變動?
其他人係一直有工作, 再加人工, 算係少變動?

ckw1213

回應  ckw1213

BB出世後係3人, 我有問過房署職員, 現時已經係按3人申請資格, 入息資產限額都係按3人, 所...
CuiteCat 發表於 2019-02-13 15:28:59 原文

有冇工作冇關係嘅！ 房署只會睇數字， 好多人拎鎖匙前超額，馬上辭工都一樣道理啫！

海盈BB來了

唔超額到時報就可以了