主頁 » 公共出租房屋 » 屋邨管理 » 【收市閒情】公屋之毒-「二代夾心人」
頁尾 帖尾 回帖 在本分區發新帖 搜索本分區 搜索 支持鍵盤翻頁
【收市閒情】公屋之毒-「二代夾心人」
「點解你買唔到樓」早兩日,曾經喺八年前發表地產經典鴻文《買樓10大誤解》嘅數字兄,再喺Forum出Post,標題正正係「點解你買唔到樓」,而第一個Point係四隻大字:「公屋之毒」。

數字兄個論點,大概係話公屋居民,因為願意接受較低人工,所以壓低整個香港的薪酬水平,即係拖低條Curve。我暫時唔討論數字兄個論點,但講到公屋問題,的確,公屋同私樓之間,出現咗個鴻溝!

朋友阿榮,由細到大同阿爸、阿媽,一家三口住公屋,穩定收入,月入28,000元,加埋勤力上進,佣金收入多,炒股又有一手,畢業幾年,都儲到成150萬。「嘩,好叻仔呀,可以成家立室啦!」哼!你以為啦,呢150萬正係佢大鑊嘅開始!

話說房委會已收緊公屋富戶政策,只要住戶入息或資產是但一樣,只要超出入息限額的5倍或100倍,就要被叮走。以一家三口為例,資產過咗224萬,就已經要同間屋講拜拜,結果阿榮因為叻仔,所以令到呢個家庭變成「公屋富戶」,從而令阿榮向鴻溝邁進。

於是阿榮就諗啦,「反正有150萬,都係時候自立買樓去!」不過,香港係好殘忍,唔係話有首期就買到樓!400萬樓,香港冇乜;就算你搵到個500萬樓;就算你All-in 150萬去做首期;就算你只造七成按,你都上唔到車,「先生,Sorry,你唔過壓測」!

情況即係點呢?就係政府就嫌你太有米,要你走;不過銀行就嫌你太窮,唔畀你上車。而你,就拎住嗰150萬,喺公屋同私樓中間個鴻溝,不停問自己「到底我係太窮定太有米」,問咗幾次之後,結果點呢?一係就舉家買二手綠表公屋(如果仲未畀人逼走,仲有綠表資格的話),然後短期內,再冇閒錢供多一層畀自己成家立室;另一個Choice,就只有租樓,即係幫人供樓。

唔係話要批判房委叮走富戶有問題,而係現行制度同癲價下,衍生出呢一類「首期以上,壓測未滿」嘅「公屋二代夾心人」--月薪搵得OK,但唔算好多,但同時儲到錢,不過冇得住公屋,但又買唔到樓。

「唓!冇錢就買唔到樓啦,呻咩!」但當個社會制度係,即使你叻仔儲到錢,唔代表有獨立置業嘅選擇;就算你再叻多少少,收入多啲,都只係買到間仲逼過原先公屋嘅劏房。想問,呢個城市到底有幾鼓勵「公屋二代」脫離公屋?「唓,我間公屋有海景、有空中花園、間隔實用、冇發水窗台,我點解要咁辛苦自己儲錢去買劏房,做樓奴呀?咁唔抵!」

一個城市,有一大批後生仔,連上流動機都失去,城市可以點進步?
「嗯…冇咩嘅話,我都係返出去,睇吓買咩車,去邊度旅行,食好西算。」

by千頌C@堆填區
分享 讚好人數:4查看名單

咪我經常講嘅情況囉!

不過好在佢後生, 仲有時間繼續搵錢, 如果佢超過50歲先至有150萬積蓄就大鑊啦!
分享 讚好人數:2查看名單

但佢唔買樓都唔得啦,150萬,擺喺度唔用,會因為通漲而狂蝕。赤貧嘅人得一萬積蓄,即使因為通漲貶值一半得五千,都冇咁心痛,因為五千好易搵返嚟。有150萬積蓄嘅人貶值一半得返75萬,就好肉痛,75萬唔係咁易搵返嚟!
分享 讚好人數:2查看名單

分享 讚好人數:0查看名單

分享 讚好人數:0查看名單
屋邨你住哪一座

公屋之毒?
分享 讚好人數:0查看名單

分享 讚好人數:0查看名單
G1280  新4>>>轉擴4>>>轉市4
2017>1884   2018-01-09轉左S1
2018-02-21審查   06/03補資料   2018-03-28轉S2   2018-04-05轉S3
2018-04-13轉S4   2018-04-17派安泰村

分享 讚好人數:0查看名單
單人轉擴3再擴4:g1326-1327

但佢唔買樓都唔得啦,150萬,擺喺度唔用,會因為通漲而狂蝕。赤貧嘅人得一萬積蓄,即使因為通漲貶值一半得...
SLLAM 發表於 2018-03-14 00:22:43 原文

係呀,搵到未最難,要儲到更加難!
分享 讚好人數:0查看名單

分享 讚好人數:0查看名單
06/06/2018 簽約取匙,安居樂業

頁首 帖首 在本分區發新帖 曾訪分區 支持鍵盤翻頁
重要提示:為免會員蒙受損失及為公平起見,一律嚴禁透露商戶或裝修師傅資料,違者會被警告,嚴重者將被禁言甚至禁訪本討論區,敬請合作。(詳情) (用戶守則)
十分抱歉! 您無權回帖。
如果您是會員但未登錄,請按此登錄
您不是我們會員? 請按此登記 (費用全免)。
成功登記後請按此重載本頁
谷氣經歷 - 裝修/購物/消費前必看! X
分區表  登記 登錄 頁首 回帖 搜索 頁尾 在本分區發新帖