主頁 » 休閒天地 » 聊天室 » 情感世界 » 純粹港嘢:愛得謹慎,或者因為過了還有力氣去磨合的年紀
頁尾 帖尾 回帖 在本分區發新帖 搜索本分區 搜索 支持鍵盤翻頁
本討論區網址
純粹港嘢:愛得謹慎,或者因為過了還有力氣去磨合的年紀


純粹港嘢 2017年12月月14日


單身其實同拍拖一樣,會養成習慣。

一對情侶相處得耐,即使覺得唔夾甚至成日鬧交,如果依舊選擇繼續一齊唔分開,其中一個原因可能就係因為習慣。

習慣左每日訓醒會有人同你講 morning,習慣係 Facebook見到新餐廳會 tag 對方一齊去試,習慣收工放假身邊有個他可以隨時約,習慣生活裡無時無刻都有呢個人嘅存在,即使日常相處時會有不歡同爭吵,都未必可以輕言分開。

有朋友問單身近三年嘅A點解一直都唔拍拖,佢嘅回答係習慣左而家一個人嘅生活。習慣大時大節唔使擔心諗唔到咩送比另一半,習慣可以自由安排自己放工同放假後嘅所有私人時間,習慣生活上唔需要刻意迎合同遷就另一個人。

就好似有另一半嘅人唔願意打破兩個人已經建立起的生活節奏一樣,單身已久嘅朋友,亦有機會太習慣而家嘅生活節奏,對於建立一段新關係去重新適應一個人,會猶疑不決。

見到身邊嘅朋友大多結哂婚或有穩定嘅伴侶,A有時都會感嘆自己係愛情路上好似慢人地好多,但佢慢慢亦發現,見證過各式各樣嘅婚後生活同相處模式後,反而會更明自自己對於一般感情關係最在乎同需要嘅係咩。

年少嘅愛情大多從心動展開,兩個人彼此鐘意、確立關係後,再慢慢透過相處去了解大家夾唔夾,完全基於愛情去開始嘅關係無疑是浪漫的。但亦有機會一不小心就步入相愛很難嘅局面。大家鐘意彼此,經歷左好多之後,先發現生活習慣甚至最核心嘅價值觀唔夾,要繼續走下去就要花好多的氣力去磨合。

有朋友會話,世上好難有百分之一百勁夾嘅兩個人,所有關係都需要配合與包容。但對於已經習慣左單身生活節奏嘅朋友黎講,比起捉緊一瞬間嘅心跳,會更加希望搵到一個云云眾生中相對比較夾嘅人。

A經常打趣話佢心中隻小鹿可能已經死左,就連行街買嘢都好耐無遇到一見傾心,非買不可嘅嘢。即使遇到有感覺嘅人,都會希望彼此放慢腳步,慢慢由朋友嘅模式開始相處了解,真係覺得夾先一齊。

啱啱開始左一段新戀情嘅B聽完表示無比認同。佢對新男友基本上算一見鐘情,兩個人都鐘意打機,有共同興趣亦好傾得埋。但自從偶爾會去男友屋企過夜後,佢就懷疑自己好似無想象中咁鐘意對方。

B亦感嘆自己已經到左覺得訓覺比男友重要嘅年紀。「習慣左一個人訓,無諗過兩個人一齊訓會訓得咁唔好,每次被佢 d 鼻鼾聲嘈醒,我就覺得彼此嘅愛情死左一忽。」

人生過左會因為單身覺得寂寞嘅階段,就會寧願謹慎一點,搵一個唔需要用力去磨合,就彼此適合嘅另一半。

純粹思考題:如果二選一,應該選一個比較鐘意定比較適合嘅人一齊?

分享 讚好人數:0查看名單


分享 讚好人數:0查看名單


分享 讚好人數:0查看名單

本討論區網址
理智嘅人會揀合適
我揀中意
分享 讚好人數:2查看名單

本討論區網址
分享 讚好人數:0查看名單
大媽吾好隨地屙屎。屙完屎要抆屎。 香港太多人。大陸佬  大媽吾好黎喇

本討論區網址
理智嘅人會揀合適
我揀中意
MaggieWong 發表於 2017-12-16 15:10:06 原文

妳真叻! 要有勇氣和智慧才能做到,妳很幸福,能與中意的人ㄧ起,無價,用錢買不到的。
分享 讚好人數:0查看名單


   最緊要自己鍾意,唔鍾意就冇動力去溝通,去磨合,去適應對方喇……做到以上自然適合!咩叫適合?條件為目標?例如咩都唔理,只想對方有錢能適合自己想要嘅生活       但唔鍾意時竇會開心幸福咩!
分享 讚好人數:0查看名單
擴3轉市3,G1291xxx,12/12/11藍咭,10/12/13審查。6月2日派第一次順安……拒絕!2018年1月8日轉S4,希望派到適合我哋嘅單位!1月10日收信派居泰樓……5月17日終於攞匙收樓  (^ω^)


   最緊要自己鍾意,唔鍾意就冇動力去溝通,去磨合,去適應對方喇……做到以上自然適合!咩叫適合?條...
cattycheng 發表於 2017-12-16 17:34:51 原文

講得好 錢買唔到愛
分享 讚好人數:1查看名單


分享 讚好人數:0查看名單

頁首 帖首 在本分區發新帖 曾訪分區 支持鍵盤翻頁
重要提示:為免會員蒙受損失及為公平起見,一律嚴禁透露商戶或裝修師傅資料,違者會被警告,嚴重者將被禁言甚至禁訪本討論區,敬請合作。(詳情) (用戶守則)
十分抱歉! 您無權回帖。
如果您是會員但未登錄,請按此登錄
您不是我們會員? 請按此登記 (費用全免)。
成功登記後請按此重載本頁
本討論區網址
「放租搵屋」專區經已成立! X
分區表  登記 登錄 頁首 回帖 搜索 頁尾 在本分區發新帖