主頁 » 資助出售房屋 » 居者有其屋 » 彩興苑 » 理性討論-業主立案法團
頁尾 帖尾 回帖 在本分區發新帖 支持鍵盤翻頁
理性討論-業主立案法團
圍標,天價工程等等嘅報導我地都聽唔少. 作為小業主嘅我地,對維修,法團等等都唔熟悉,好多時為有相信法團. 法團為左有公信力,多數都會搵當區區議員幫忙,等我地以為區議員都會幫我地一齊睇住個工程.  
以下有個真實例子(大圍區):
某屋苑將會做維修工程,法團已經招標,也有結果, 於是在業主大會中向大家公布(當時有當區區議員在場)。 問答環節時,有業主邀請另一位議員在場幫手題問, 結果發現法團沒有申請政府的招標妥,也答不出為什麼不申請.
好多工程都係小業主怕麻煩,等法團一手搞掂,有d仲會信曬區議員,以為佢會幫手睇埋. 最後出事, 個區議員可以扯貓尾咁話,我只係列席完全不知情.
除此之外,大多數法團嘅委員都係上左年紀or退休,佢地有空餘時間管理法團,人閱歷豐富,應該可以做一個好的決策. 但現今社會,騙徒的手法層出不窮.如果沒有新方法去應對,沿用舊有方法去解決問題,最後我地會變成受害者.
最後,我希望有多d年輕嘅業主加入法團,使法團有更多新Idea 和 更透明(成立監察法團組織).

彩興 B 座.
分享 讚好人數:5查看名單
個人意見, 千祁唔好比任何議員或政黨參與屋苑事務

另外, 你想成立監察法團組織去監察法團.? 如果有業主得閒不如直接參選委員啦
分享 讚好人數:1查看名單
全部業主去參選委員????定係選舉幾個人去做??使唔使投票?點知個委員係靠得住??可以代表我??委員多數要做d咩??
分享 讚好人數:0查看名單
我相信唔係個個業主都想/得閒去做委員. 但係如果多d人出來選/做,個法團下面可以再加幾個委員會,例如:保安, 維修, 活動等等委員會. 咁樣就可以分工分得好d,每個委員嘅workload 都唔使咁大.
關於區議員參興法團事務,本人覺得,如果大家都唔識,與期比人當羊牯,為何不尋求協助? 最緊要係多種各方面的意見,例如要請唔同政見嘅議員比意見,咁樣正反意見都接收到. 亦都唔怕比人話唔公平.
仲有,唔係個個彩興嘅住客都是業主(不能成為委員),佢地可以用監察小組身份幫手睇住法團.
最後,點知個委員靠唔靠得住?可以代表自己? 自己屋苑嘅事,冇人可以代表你,委員最終都會選出來,錢最後都係要交. 所以,為左唔好比人代表你, 你就要出來做委員,為屋苑做事.
分享 讚好人數:0查看名單
我覺得盡可能透明同公開

B 座朋友你好
分享 讚好人數:0查看名單
等待彩興!
我相信唔係個個業主都想/得閒去做委員. 但係如果多d人出來選/做,個法團下面可以再加幾個委員會,例如:保...
wilsonjust 發表於 2017-12-08 13:40:52 原文


只能說理想同現實係差好遠
分享 讚好人數:0查看名單
值得學習
分享 讚好人數:0查看名單
銀河B座
其實法團應該有咩職能??
分享 讚好人數:0查看名單
我都明白理想同現實係差好遠, 我地只能夠盡做,希望彩興成為一個好屋苑.
法團應該有咩職能?
其實所有關於屋苑嘅大事小事,都係法團决定.例如:大至上千萬嘅工程,用邊間管理公司,小至斬邊棵樹,種咩花,買咩垃圾桶,都係法團决定.
分享 讚好人數:0查看名單
其實法團應該有咩職能??
eatogether 發表於 2017-12-08 15:15:11 原文

你咁睇啦, 以下係一個比喻

即係彩興苑係一間有限公司, 業主就係股東, 法團就係董事會囉

咁呢個董事會就係由業主選出黎, 成個屋苑既事無大小都關佢事

好多時, 董事會做得好無人多謝, 做錯少少就會比人「小」

同埋, 董事會成員係有法律責任要負, 不過係無薪架......本帖最後由 nanfung 於 2017-12-08 17:36:44 編輯
分享 讚好人數:0查看名單
頁首 首留言 在本分區發新帖 曾訪分區 支持鍵盤翻頁
重要提示:為免會員蒙受損失及為公平起見,一律嚴禁透露商戶或裝修師傅資料,
違者會被警告,嚴重者將被禁言甚至禁訪本討論區,敬請合作。(詳情) (用戶守則) 
十分抱歉! 您無權回帖。
如果您是會員但未登錄,請按此登錄
您不是我們會員? 請按此登記 (費用全免)。
成功登記後請按此重載本頁
「放租搵屋」專區經已成立! X
分區表  登記 登錄 頁首 回帖 頁尾 在本分區發新帖