主頁 » 休閒天地 » 康樂園 » 閱讀 » 「呢個世界唔係男就女㗎啦!」
頁尾 尾帖
「呢個世界唔係男就女㗎啦!」

這句話好像無可挑剔,但其實性別從來多元,男與女之外,還有雙性人。不認同與生俱來的性別,醫學上稱為「性別認同障礙」,這些人被稱為「跨性別人士」。而兩個多月前,25歲、有性別認同障礙的Jaco在港鐵大圍站內跳橋輕生。


根據醫管局資料,性別認同障礙成因未明,先天基因、成長背景等都可能有關。他們容易出現抑鬱症狀。Jaco朋友提及她出事前有明顯的情緒波動,也曾在facebook提及想過自殺。「佢覺得唔做女仔,喺呢個世界生存冇意義。」Jaco前度女友Kippy憶述。二人高中辦聯校學生會活動認識,分手後有一段時間沒聯絡,再見時是2013年,Jaco已束了長髮,打扮中性,往後更以女性姿態示人。「一開始我唔知佢想變成女仔,佢講完,我完全接受唔到,甚至問佢以前一切係咪真,我唔明佢點解會對自己嘅性別有疑問。」男身女心的Jaco,又可曾明白怎麼天生不是女人?Kippy眼中的Jaco是個出色男朋友,也完全符合社會對男性的既定印象,「佢一直好努力滿足他人嘅想法。」


Kippy是基督徒,Jaco也已決志。Kippy曾用宗教角度嘗試說服Jaco。「我哋生來就係男或者女,應該做好自己嘅角色,我又同佢講做手術好痛苦,不停勸佢唔好傷害自己。依家諗番好內疚當時冇好好了解佢,反而想改變佢。」Kippy後來不斷借故相約Jaco,希望理解她的想法,半年後她已完全接受這位好姊妹。「原來有啲人真係會有呢個問號,佢細個已經想做女仔,咁係咪代表佢有錯,佢唔值得被愛,甚至唔值得上帝愛呢?我有呢啲疑問。」Jaco朋友、家人都尊重她的決定,可是這些支持仍不夠支撐她缺失的靈魂,而那些缺失根本無從補遺。她心知即使動了手術,身份證的性別轉成她所認同的,但女性本來有的器官、感覺,她仍然不能擁有。面對性別認同障礙人士,身邊人必須以同理心,嘗試理解這種根本痛苦,與對方同行。

跨性別人士在職場上容易受到歧視,Jaco卻遇上欣賞她能力的僱主阿龍。Jaco未能考上心儀的中大建築系,唸工程的她後來輟學,到旺角的「咖啡綠茶」cafe斷斷續續工作逾兩年,這裏好像她的第二個家。阿龍坦言最初看到穿女裝的她前來應徵,的確有所疑慮,但傾談過後,他覺得非請不可。「傾完就知佢同普通人根本冇分別,對答好得體,笑容同態度都非常好,請人都係睇工作能力,我比較着重佢內在,多於佢嘅打扮。」Jaco在阿龍眼中是不可多得的員工,有責任感,記性也好,一枱十人點菜下單他不用紙筆抄下,竟然全沒出錯。她也運用美感為cafe繪餐牌及佈置。


可是cafe總有口沒遮攔的客人,阿龍憶起仍然咬牙切齒。「佢哋一班人討論佢係男定女,話:『男來㗎,有喉核。』佢哋以為自己好細聲,但其實好大聲。佢哋竟然:『小姐?先生?』咁樣叫Jaco,非常冇禮貌。如果嗰班人依家睇到我講嘅嘢,我希望佢哋以後會控制呢啲無知愚蠢行為。」有色眼鏡一副都嫌多,不加思索的侮辱話,都可能傷害別人一生。對於Jaco出事,把她當成朋友的阿龍相當自責。「佢出事前一兩個星期,情緒好低落。佢平日都係唔撩唔肯講嘢,唔想人擔心。對於呢方面,我嘅知識真係太少,想搵心理醫生幫佢,先發現自己唔識搵,尋求協助好難,幫唔到佢,令我好遺憾。」

了解始於認識,想多認識跨性別朋友,可瀏覽以下網站:
跨性別資源中心
http://tgr.org.hk
認識性別認知障礙(醫管局資料)
http://www21.ha.org.hk/smar......amphlet-edited.pdf?ext=.pdf

記者:葉青霞
攝影:劉永發

分享 讚好人數:0查看名單
早抖

旁人的歧視目光對跨性別人士傷害甚大。



Jaco中學時代女友Kippy了解她後,明白男女性別並非絕對。(蘋果日報)



Jaco僱主阿龍,希望大眾對性小眾少點不負責任的惡言。(蘋果日報)






追思會在Jaco曾就讀、也很喜歡的中文大學舉行,Jaco朋友為她設立多塊展板,讓大家對她加深了解。(蘋果日報)



追思會有近300人出席,不同年齡、背景的人都有,遠超Jaco媽媽的預期。(蘋果日報)



男裝打扮的Jaco。



女性打扮的Jaco走可愛甜美路線。



Jaco很感激媽媽對自己想變性的支持。

分享 讚好人數:0查看名單
早抖

「如果我難受嘅話,佢更難受!」Jaco媽媽說時哽着。與「兒子」相處二十多年,得知Jaco希望變性的決定,是愕然,是疑惑,也難過。「我陪佢睇醫生,慢慢理解佢,我哋關係都改善咗。既然佢都可以忍受奇異目光,勇敢做佢想做嘅事,點解我作為媽媽,唔可以接受呢?」Jaco媽媽向帶大Jaco的父母解釋此事,怎料Jaco的公公婆婆更開通。「佢哋覺得冇分別,只係外表唔同咗,佢仍然係佢哋外孫。」

即使咖啡被裝進汽水樽,傾倒出來,咖啡仍是咖啡,不會認同自己就是汽水。Jaco在錄音中說:「我唔覺得用男性打扮生活好痛苦,但我依家諗番,會覺得嗰個唔係真實嘅自己。媽媽最初覺得我諗錯咗,佢唔清楚乜嘢係性別認同障礙,但媽媽同我講只要我想,佢會陪伴我,呢個係好大嘅動力。」裝載的器皿根本改不了本質。Jaco媽媽說:「呢班小眾唔係冇用嘅人,佢哋唔係淨係識男扮女裝或者女扮男裝,佢哋同一般人根本冇分別。」


家人與朋友的接納讓她敢於從男性胴體解放出來,看她facebook上的照片,我看到一個很可愛,也飽滿愛的女生。

我接觸Jaco媽媽、兩位前度女友、在中大認識的朋友、小學同學及前僱主,他們把Jaco的各個階段不同事蹟告訴我,這個人不再是新聞中模糊片面的主角,她很立體,是牽扯數百人情感的一個人。我歸納出來的她是聰明、熱愛知識、盡責有交帶、有藝術天份的完美主義者。而最最最重要的一個特點,也是她朋友眾多的原因──樂於助人。她擁有一顆難得的同理心。

Jaco媽媽說:「唔係追思會,我都唔知佢有咁多朋友。我預計出席人數係80至100人,最後竟有近300人出席!」朋友當天還為Jaco策展,展示她不同時期的相片、手作、設計等等。這些一切,都讓Jaco媽媽往後可以有所回憶。「有時我會執吓佢間房,慢慢睇吓佢啲嘢,好似同佢仲有連繫咁。」

家人接納、朋友支持,是她堅持變性信念的支撐。可是即使做完手術,她仍不是完完全全的女性。「為何我生來不是女性」這種根本痛苦還是沒法排遣。Jaco媽媽說:「佢最後揀咗呢條路,我認為佢係想做啲嘢,幫性小眾發聲。我只可以繼續行落去,好好咁生活,為佢帶出呢個訊息。如果佢選擇咗呢條路,而家令佢好開心⋯⋯最緊要佢開心。」說這段話,Jaco媽媽哭了兩遍,我問「要停嗎?」她堅持組織好再講,因為這是她今次願意受訪的原因。

Jaco那段錄音最後一節提到:「我希望社會大眾容納多啲聲音,佢哋(有性別認同障礙人士)只係跟內心所想去做。唔好將既有框架強加人哋身上。」

追思會片段的配樂是閻奕格的《讓我告別》,歌詞寫道:「天國上,讓我笑得多漂亮,像破繭轉生那樣,蝴蝶找到方向。」願妳在那兒不再哀傷。

記者:葉青霞
攝影:劉永發

分享 讚好人數:0查看名單
早抖
蝶变……
分享 讚好人數:0查看名單
分享 讚好人數:0查看名單
分享 讚好人數:0查看名單
命裡有時終需有,

命裡無時莫強求。
1 个 複 雜 問 題 ……
分享 讚好人數:0查看名單
只有佢自己先明白做男定做女 本帖最後由 roomho987 於 2017-09-17 21:48:45 編輯
分享 讚好人數:0查看名單
頁首 首帖 曾訪分區
重要提示:為免會員蒙受損失及為公平起見,一律嚴禁透露商戶或裝修師傅資料,
違者會被警告,嚴重者將被禁言甚至禁訪本討論區,敬請合作。(詳情) (用戶守則) 
十分抱歉! 您無權回帖。
如果您是會員但未登錄,請按此登錄
您不是我們會員? 請按此登記 (費用全免)。
成功登記後請按此重載本頁
谷氣經歷 - 裝修/購物/消費前必看! X