主頁 » 休閒天地 » 康樂園 » 閱讀 » 做拾荒工作的嫻姐,佢話有一件想向我地申訴。
頁尾 帖尾 回帖 在本分區發新帖
做拾荒工作的嫻姐,佢話有一件想向我地申訴。

前幾晚在葵青區某處後巷,我們遇上做拾荒工作的嫻姐,佢話有一件想向我地申訴。
原來嫻姐上個月中,食環署指她在某天橋底隨意棄置紙皮及手推車,以定額罰款票控佢,並需本月中上庭應訊。

其實六十幾歲嘅嫻姐係區內已經從事拾荒工作已十幾年,主要係處理紙皮及汽水罐,而她七十幾歲嘅丈夫,就主要收集街市檔口的發泡膠箱。
而嫻姐話過去食環署經常驅趕佢及其他拾荒者,又沒收佢所拾取所得的紙皮紙箱,以及充公工作所用的手推車,但都未有正式票控過她。而今次票控佢,是因為收到區內區議員的投訴,所以要採取行動。
嫻姐話當日執法時有位食環署幫辦向她說:
「話俾你知!依家係吳xx區議員投訴你!」

而自從上次票控之後,食環署差不多每天都到嫻姐兩夫婦工作的位置進行驅趕,嗰位食環幫辦更向嫻姐講:
「啲發泡膠箱唔好再執喇,由得佢全部丟哂去堆填區!」
嫻姐回應話:
『我哋依家係幫手做緊環保回收,啲發泡膠箱可以循環再用,減少廢物喎!』
但係對方竟然再話,就算丟哂去垃圾站都唔會俾你地執㗎喇!

嫻姐話俾我哋聽,原來呢個環頭,兩個月前換過另一批新嘅食環執法人員。
呢個時候,在茶餐廳洗碗嘅薇姐,同埋負責清理餐廳廚餘的陳先生都出現在後巷中,並同我哋一齊傾談。
薇姐一邊安慰嫻姐,一邊同我哋講,佢經常都見到佢哋(食環署)趕嫻姐走。
而陳先生就話:
「都唔知點解食環成日針對佢哋兩個?後生嗰啲就唔敢搞,反而蝦人哋七老八十嗰啲!如果過去咁多年冇嫻姐佢哋係呢度收呢啲嘢,啲垃圾咪去哂堆填區囉!」

最後陳生講咗一番講話,我哋聽完之後都好心噏:
「我知我哋呢啲倒垃圾嘅,冇讀書、冇學歷, 污糟邋遢係俾人睇低,但係我地冇為個社區出力咩?我地唔係做緊廢物分類咩?」

陳生這番說話,就如一個對社會有血有淚的控訴!
原來在社區對於一班拾荒者、做垃圾廢物處理嘅工友,一直都受到不被尊重的目光、面對被視為低下、沒貢獻的態度,甚至是執法和政治權勢作為欺壓的對象!
佢哋好少得到社會嘅認同、肯定和尊重,就好似藏身在這處又濕又污糟的後巷中,冇人留意亦冇人關注。
反而在這短短的橫街窄巷中俾我哋見到,一班基層勞動工友卻能互相關心大家處境、彼此守望及幫助的鄰舍情。

不經不覺在葵青區已行動了一年半嘅時間,每次行動都會去到呢條後巷中探訪街坊,而嫻姐其實亦係度,但過往她都好沈默,不太想與我們傾計。
但當晚與蘭姐的經歷,正給我們知道,原來我們過去一年在這後巷所做的,其實她一直看在眼內,間接地已建立了一份無形的信任,終於今次她卻主動願意坦誠豁然地分享她因受到不公義的對待而埋在心底的怨憤和鬱結。

而我哋更相信,落區行動已再並不只停留在探訪關心嘅層面,係更需學習與鄰舍多走二里、甚至三里嘅路,更有意識到社會結構性問題,理解政策對佢哋嘅影響。
並且嘗試與街坊進行社區組織嘅工作,讓佢哋知道和認識係自己所對嘅處境應有嘅社會福利保障及支援,如面對有欺壓或不公義嘅情況時,更能夠同佢哋持續同行,讓佢哋去發聲,討回公道,以及應有嘅權利和尊嚴!







分享 讚好人數:0查看名單
u-01594-8  
揀樓次序: P058613
分享 讚好人數:0查看名單
U036 擴1
分享 讚好人數:0查看名單
分享 讚好人數:0查看名單
  事无不可对人言。屁无不可对人放。   
分享 讚好人數:0查看名單
分享 讚好人數:0查看名單
頁首 首留言 在本分區發新帖 曾訪分區
重要提示:為免會員蒙受損失及為公平起見,一律嚴禁透露商戶或裝修師傅資料,
違者會被警告,嚴重者將被禁言甚至禁訪本討論區,敬請合作。(詳情) (用戶守則) 
十分抱歉! 您無權回帖。
如果您是會員但未登錄,請按此登錄
您不是我們會員? 請按此登記 (費用全免)。
成功登記後請按此重載本頁
谷氣經歷 - 裝修/購物/消費前必看! X
分區表 頁首 回帖 頁尾 在本分區發新帖