主頁 » 休閒天地 » 康樂園 » 閱讀 » 港女:有二千呎樓先拍拖?(錢志健)
頁尾 帖尾 回帖 在本分區發新帖 支持鍵盤翻頁
港女:有二千呎樓先拍拖?(錢志健)

2017-02-16 17:59:49 HKT



相片由港股策略王提供


我的精算師朋友理論上很少計錯數。在2016年不確定的投資環境下,在年尾他沽貨居多,結果錯失了最後一季到現在的大升市。唯一慶幸是,沒有反手做拋空,否則輸到眼凸。美國三大指數剛創了幾天歷史性新高。CBOE VIX芝加哥波幅指數則在12以下徘徊。


1、 香港居住問題越來越嚴重,有夢想的年青人,其實在三月廿六號特首塵埃落定後真的可以心裏有數。潮流真是興爛gag。本地財經雜誌《港股策略王》請來一位叫Seasun的廿歳頭少女講到有樓的重要性:「有樓有高潮」,這句話和數月前游惠貞前議員的扑嘢論一樣,又是土地問題。Seasun是做公關的,曾幫助「公子」趙世曾打工。90後的想法,或許意識危機極高,更大的「志氣」正如Seasun所說,男朋友要有2000呎居所才可拍拖?港女不如放眼看世界,不要局限在香港吧。

同一天空下,筆者最近快閃去到美加東岸。長話短說,意圖落offer想買一間房子,是根據賣方的議價希望可以成交。結果搶樓挾高5-10%是正常。二百萬加幣的樓,可能二百二十萬才可買到。無論是共管栢文、半獨立屋、獨立屋或鎮屋,美加主要城市搶樓已去到一個瘋狂地步。假如是退休人士,有沒有考慮搬入內陸?兒時有位朋友,她厭倦加拿大西岸溫哥華高樓價的生活,和丈夫搬到距離溫哥華7小時車程的Horsefly小鎮居住。你擲一塊石頭,永遠也不能傷到人。低消費的城市,也有加拿大中部文尼吐巴省的溫尼泊市(Winnipeg) ,2016年平均屋價才不過三十萬加元,但冬天天氣嚴寒,像去了西伯利亞。

2、過去幾年,資產管理公司最難個的一關,除了是有足夠資金「起壇」,在銀行開戶口的難度,可謂是令人驚嘆。你可以說是來自肥茄條例(FATCA), 帶動全球防止洗黑錢及逃稅等灰色地帶活動,美國人在海外逃稅逐個捉,打擊洗黑錢及恐怖分子集資其實盤古至今也在運作。日前我也找立法會會計界議員梁繼昌談論此事。就算不是資產管理行業,一些初創企業如果不能開到銀行戶口,他們又怎可以開始運作呢?特朗普 (1946-) 上場,他曾在上年未當選前電視辯論中談到要放寬金融及商業監管,但這和「開戶口」有沒有直接關連,時間會證明一切。

3。樓市有多瘋癲,股市日日歷史創高位。當普通人已沒有想像空間去揀股票的時候,你會發現強勢主力股自特朗普上年11月贏了總統寶座後,一路做得好。除了美國三大指數,蘋果(AAPL) 日前創歷史新高,不要亂拋空股票,計準風險與回報,作長遠投資策略。樓宇市場和股票市場不是投資賭場: 股票投資比較靈活,在高處不勝寒的價位,仍然可以善用固定波幅策略Collar每個月轉倉:Long stock, write OTM call, long OTM put, 沒有「超出控制」的可能性。住宅投資,特別是自住自用的,真的要評估承擔力度可以去到幾多。我真的認為,如要購買房子,舊樓較實際,空間也較大。屋苑的運動設施及會所真的可有可無,多少寧願加入外邊的健身會籍連鎖店更理想。

最後,我的精算師朋友估計今年股市和樓市會大調整。他近乎每數年轉換工作地方,走遍多個國家。一個沒有根的竹升鑽石王老五,想法很不同。友人從來沒有輸大錢,也從來沒有在金融市場上真的賺過錢。世上確是有「現金為王」的大信徒。朋友永遠手持現金,如何抗衡通脹?從他的角度,四海為家,是高級打工仔,租住有公司部份資助,沒有投資房產需要。我會返問,低管理費的指數ETF,why not? Happy Trading!

錢志健

分享 讚好人數:0查看名單
  事无不可对人言。屁无不可对人放。   
做公關要陪客 「有樓有高潮」22歲拜金港女被人肉起底
2017-02-16 12:30:54 HKT

大台下星期有個新實況節目《有樓萬事足》,節目仲未播出就惹嚟疑似造假之嫌。其中一個「素人」Seasun爆出金句「有樓有高潮」、「冇樓唔好白撞」,即刻掀起全城圍插佢係「拜金港女」;不過,有網民質疑呢個Seasun係「媒」,因為節目編導岑應多次被踢爆喺實況節目中造假。

Seasun真係語不驚人誓不休,噚晚出席活動宣傳時,喺台上自我介紹話自己返過教會,對於男人要有2000呎屋先係基本,佢解釋﹕「問我理想家居,咁梗係有咁高講咁高啦,人望高處嘛。唔知大家把尺放喺邊,我咁講就可以有條尺拼一拼,咁件事容易啲去處理好多,清晰啲。」佢講明如果有人送樓追佢,佢會毫不猶豫收下,不過依家就暫時冇男友,亦都冇人追。

唔少網民已經將Seasun人肉起底,現年22歲嘅Seasun現職珠寶公司公關,已經有5年嘅相關經驗,又曾經幫過出名紅顏知己多嘅趙世曾打工,工作範圍包括出席活動,亦會陪來自北京嘅客人,仲有參加過趙世曾舉辦嘅《國際旅遊小姐》競選。早前佢接受周刊訪問時話因為岑應靚女,似林志玲,同埋自己鍾意拍片,想留低一啲回憶,所以就答應做節目。

對於網上一面倒嘅負評,Seasun話完全唔介意,因為佢「好proud of做港女」,而且對批評佢嘅人互不相識,讀書時已經被人排斥,但當時已經「好識諗」同自己講「將來要叻過佢哋」。有人質疑,Seasun喺再之前嘅訪問中話揀男人講seven sense(第七感),咁同今次節目講嘅似乎有啲前言不對後語,Seasun話撇除買樓嘅擇偶條件,都會睇feel,喺feel同買樓之間都會傾向feel多啲。

而呢一系列嘅「真人騷」幕後主腦、編導岑應就回應傳媒話:「冇,冇事先安排劇本,總之第一次同呢個女仔(Seasun)傾電話,已經覺得佢嘅思維好得意,其他我唔方便答,你哋問番公司啦!」


(蘋果日報)

Seasun話:「好proud of做港女!」(蘋果日報)

(蘋果日報)
分享 讚好人數:0查看名單
  事无不可对人言。屁无不可对人放。   

Seasun今日接受《蘋果》訪問,就話:「有啲係我自己(講),有啲可能係效果剪接。」問到點解會講「有樓有高潮」?Seasun稱:「我嗰句係有個安穩嘅住屋條件,喺個舒服啲嘅地方,容易啲達到高潮。」


咁「冇樓唔好白撞」呢?佢就話﹕「因為佢嗰時問我擇偶條件,跟住我提到其中一樣嘢係有樓,如果唔係以前咁多條件呢(笑)唔好白撞。」

條件咁高,唔知Seasun拍過幾多次拖?Seasun諗咗一諗:「唔……唔記得咯!(多到唔記得?)唔係好肯定,有啲唔知人肯唔肯定到嗰段關係,如果自己肯定咪好戇居囉。」Seasun到o依家都係租屋住,暫時冇人追,問到係咪條件太高嚇怕追求者?佢話﹕「我又冇去揣測,因為我對未來係唔會去諗。」

分享 讚好人數:0查看名單
  事无不可对人言。屁无不可对人放。   

大台實況節目《有樓萬事足》未出街,當中受訪者之一,被喻為港女中極品嘅Seasun已係網上爆紅,佢喺節目中爆出「有樓有高潮」、「冇樓唔好白撞」嘅膠論,掀起全城圍插鬧爆佢係「拜金港女」。


Seasun雖然只得22歲,但工作經驗好豐富,入咗行5年。現職珠寶公關嘅Seasun,原來曾經做過私影妹,又曾經幫過出名紅顏知己多嘅趙世曾打工,工作範圍包括出席活動,亦會陪來自北京嘅客人,仲有參加過趙世曾贊助嘅《國際旅遊小姐》競選。

今日有爆料人指Seasun喺參選期間,住過入趙世曾嘅「趙苑」,當時Seasun因為無家可歸,趙生出於好心安排其中一間豪宅畀佢入住,但Seasun唔生性,突然帶個男仔返趙苑,搞到趙生好嬲嬲,最後趕咗佢走!

今日《蘋果》記者向Seasun求證,佢坦白承認曾入住趙苑,Seasun話﹕「嗰時工作我要接待嘉賓,又唔係同佢一齊住,都係盡地主之誼,趙生好有gentleman。(住咗幾耐?)都唔係好耐。(傳聞你帶男仔返去激嬲趙生?)有咁嘅事?!em……冇。(唔想回應?)冇喎!」

據聞Seasun嘅原名叫鄧寶怡,英文名Givanna,Seasun呢個名係近呢一年先改,連中文名都改埋同音「思宸」,佢解釋:「睇咗個師父,話有利自己運程。(改咗好啲?)都有啲料到,哈哈。」Seasun明言想係娛樂圈發展,只要條件合適乜都可以試吓。

分享 讚好人數:0查看名單
  事无不可对人言。屁无不可对人放。   

一句「冇樓就唔好白撞」……絕對係港女界別先講得出口,而呢位「表表者」就係22歲Seasun,最近參加咗大台真人騷《有樓萬事足》,現時做緊珠寶公關,又會客串做模特兒,17歲由朋友介紹,以半工讀方式踏入公關行業,做咗5年!


據知Seasun原來曾選過中華文化小姐、國際旅遊小姐,不過選美通通冇獎,佢當時Seasun個名叫鄧寶怡「Givanna」得19歲,盛傳趙世曾覺得佢幾乖巧要栽培佢,又跟過趙世曾出席頂樓盤活動,趙生仲向傳媒介紹Givanna係公司公關小姐,負責搞呢次旅遊小姐項目, Givanna叫趙世曾做「趙博士」,有指港女Givanna高中畢業,來自單親家庭,同媽咪住奧海城,曾搬入趙苑。

有報道影過趙世曾2013年曾帶Givanna出海見傳媒,佢全程著外套,短裙仲要配黑絲襪打底,相當錫身,趙世曾叫過佢幾次除褸,最後Givanna都將領口拉開少少,問到趙世曾係唔係同Givanna同居,趙世曾就話趙苑好多地方,咁Givanna做項目會容易招呼人,而且又唔係同自己住埋一齊,而Givanna則辯稱因為有幾個女仔住得遠,係方便做嘢先暫住趙苑,做完個活動,佢哋會搬走。

分享 讚好人數:0查看名單
  事无不可对人言。屁无不可对人放。   
太細!隻公猴入唔到去

2017-02-16 18:10:25 HKT



喺新一條宣傳片,Seasun講咗更多金句,聽到人嘩嘩聲。(網絡截圖)



睇二千呎樓,豪言「都唔係我俾。」(網絡截圖)



(網絡截圖)



(網絡截圖)



原來高潮咁有用!(網絡截圖)



用動物嚟比喻男女關係……(網絡截圖)



(網絡截圖)


大台實況節目《有樓萬事足》喺下個星期一先播,不過呢個節目喺未出街,已經成為網上熱爆話題,其中一個「素人」Seasun爆出一啲金句「有樓有高潮」、「冇樓唔好白撞」,掀起全城圍插佢係「極品拜金港女」!


節目會唔會收到預期效果,令收視有望高啲,真係要等播咗第一集之後先知道,但係肯定收到宣傳效果,今日大台又推出咗一條長達3分鐘叫「有樓萬事足.有樓有高潮 (原片!!!)」喺短片度,除咗Seasun繼續發表佢啲「偉論」之外,仲搵咗啲唔同年紀嘅人,講吓對Seasun呢啲偉論嘅睇法!

片段一開始Seasun去咗一間大約市值約2000萬嘅樓盤,地產經紀就話大約1000萬首期已經可以買到,Seasun唔在乎咁話:「錢唔係問題,都唔係我俾!」之後佢話:「追梗係要攞出誠意,誠意係啲乜?我諗唔到比買樓更加表達愛嘅方法!我覺得2千零呎都差唔多,唔大唔細,如果一個男士冇事業、冇財富,冇樓嘅話,就唔好白撞喇!」

Seasun仲進一步解釋有樓有「高潮」嘅意思:「知唔知女士100%之中,30%係有高潮,有高潮先會容易啲生仔,女士喺一個安穩嘅地方陀BB,係理所當然嘅事,亦俾到女士一個安心。」跟住Seasun仲用動物去做比喻:「以人類嘅祖先猴子為例,公猴都係負責搶地盤,母猴都係揀一個好條去繁衍下一代,條件好嘅公猴,梗係需要有一個洞穴,個洞穴仲要唔可以太細,如果母猴入咗去,隻公猴入唔到去咁點算?」

喺片段中間穿插咗唔少人嘅意見,綜合如下:
「如果用動物去形容男人同女人嘅關係,會太膚淺。」
「唔好咁多發夢喇,有公屋已經好好。」
「香港啲女仔都想有個安樂窩,如果又有事業又有物業,個女仔都追番你轉頭喇!」
「咁都幾難令到佢有高潮喎!呢啲同間屋大細冇關係,係個人技巧問題。」
「0依家好多女仔普遍都比較離地,可能覺得自己有胸已經係女神。」
「有樓有真愛,我覺得呢個非常適合形容香港社會0依家價值觀。」
「我相信好多人會去爆房,應該都會有高潮,應該唔駛喺大屋先會有高潮!」

分享 讚好人數:0查看名單
  事无不可对人言。屁无不可对人放。   
傳港女金句係預設對白 《有樓萬事足》編導岑應:事先冇安排劇本
2017-02-16 17:40:58 HKT

大台近年不時推出具爭議性嘅真人騷節目,由《盛女愛作戰》、《沒女大翻身》、《沒有起跑線?》以至下個禮拜播出嘅《有樓萬事足》,話題雖不同,但模式幾乎一樣,節目中,總有受訪者唔怕受非議,衝出嚟講出你同我都未必諗到嘅啜核金句。


喺《沒有起跑線?》,有媽媽語出驚人講「贏在子宮內」、「贏在射精前」,到今輯《有樓萬事足》,又有個拜金港女Seasun走出嚟講「冇樓咪白撞」、「有樓有高潮」論。

有noise有收視,不過上次《沒有起底線》爆紅怪獸家長Irene,即係講「贏在射精前」嗰位媽咪,最後被人踢爆上過J2節目教人踩滑板,今次《有樓萬事足》,同樣有人質疑有人故技重施,安排劇本同金句俾受訪者照稿讀

對於外間嘅質疑,一系列「真人騷」嘅幕後主腦、編導岑應就回應傳媒話:「冇,冇事先安排劇本,總之第一次同呢個女仔(Seasun)傾電話,已經覺得佢嘅思維好得意,其他我唔方便答,你哋問番公司啦!」據知岑應係透過物業投資上車課程導師朋友,搵到Seasun做真人騷。


《有樓萬事足》編導岑應回應傳媒話事先冇安排劇本俾Seasun。



岑應係一系列真人騷嘅幕後主腦。(資料圖片)



除咗「有樓有高潮」,Seasun喺節目中仲有唔少金句。(電視截圖)



之前節目《沒有起跑線?》,被指係怪獸家長嘅Irene,喺節目講句:「贏在射精前!」受到唔少非議。(電視截圖)



之後俾人踢爆佢上個J2節目教人踩滑板。(電視截圖)

分享 讚好人數:0查看名單
  事无不可对人言。屁无不可对人放。   
有樓有高潮, 可憐佢到老都未高潮過
樓呀扭, 扭呀鈕
分享 讚好人數:2查看名單
嫁出先算la
分享 讚好人數:0查看名單
命裡有時終需有,

命裡無時莫強求。
佢知自己的定位
分享 讚好人數:0查看名單
頁首 首留言 在本分區發新帖 曾訪分區 支持鍵盤翻頁
重要提示:為免會員蒙受損失及為公平起見,一律嚴禁透露商戶或裝修師傅資料,
違者會被警告,嚴重者將被禁言甚至禁訪本討論區,敬請合作。(詳情) (用戶守則) 
十分抱歉! 您無權回帖。
如果您是會員但未登錄,請按此登錄
您不是我們會員? 請按此登記 (費用全免)。
成功登記後請按此重載本頁
「放租搵屋」專區經已成立! X
分區表 頁首 回帖 頁尾 在本分區發新帖