主頁 » 休閒天地 » 康樂園 » 閱讀 » 一條本土臘腸的誕生 退休公務員重操童年舊活
頁尾 尾帖

2017-01-14 07:00:00 HKT




攪肉後用秘製醬汁調味。(何家達攝)



肉醬灌進預先浸好豬腸衣。(何家達攝)



用針板刺孔排氣及多餘水份。(何家達攝)



用水草把腸分成均等一截截。(何家達攝)



用麻繩把繩臘腸索成一對,然後清潔乾淨掛上竹。(何家達攝)



由西源里、石塘咀到現在的西環干諾道西;由無牌到有牌,擁有自己工場,子承父業,余錦華說一直艱苦經營。(何家達攝)


入冬,食飯加一孖臘腸,那陣混進玫瑰露的肉香油香,滋味無窮。兄弟同心,57歲的四弟余錦材,是余錦華口中的好幫手。做了逾30年公務員,早年的馬拉松運動員,退休後回工場,重操童年舊活,半世紀過去,身邊仍是那班老夥計。六個人摩打手,互相補位。「賺嘅係心機錢,對比起我爸爸嘅年代,已經好好多,至少有碎肉機,以前連豬肉都要自己切」。他說。


攪肉後用秘製醬汁調味、把肉醬灌進預先浸好豬腸衣、用針板刺孔排氣及多餘水份,以水草把腸分成均等一截截,再用麻繩把臘腸索成一對,然後清潔乾淨掛上竹,入電爐後定時定候轉竹……每個步驟,一絲不苟。「細個天未光就去街市幫手攞豬肉返工場,老豆喺街市見唔到人,天冧都似」。貴為太子爺,材哥說一樣要做苦力送貨一腳踢。

「嗰個年代個個都係咁,後生時只覺痛苦唔覺辛苦,因為無得去玩」。上一代臘腸工場大多家庭式經營,幾個夥計加一家大小,閣仔瞓覺,開兩張摺枱就開工。「呢度啲師父,個個走難落嚟,工場辛苦工時又長,但人工高過出面,又包伙食,唔怕請唔到人」。時移世易,由人浮於事到無人願入行;由小量天台生曬到用炭爐到自動化電爐取代,小小錦祥記,見證不同時代,可惜的是,貨真價實的香港製造,卻已走到黃昏。

分享 讚好人數:0查看名單
  最喜歡,九五答八   
最大港製臘腸工場 兄弟同心 錦祥記的黃金歲月

2017-01-14 07:00:00 HKT








兄弟同心,余錦材是錦祥記的第二代,退休回工場幫手;大哥余錦華主外接訂單,他主理工場日常運作。(何家達攝)



身為長子,余錦華子承父業,多年來艱苦經營,終迫出抑鬱症,幸近年學懂釋懷,除了不離不棄的太太,這隻長年佔據枱面的「西營盤忌廉哥」肥仔,應也居功不少。 (何家達攝)



83歲的最老師傅壯叔人如其名,採訪當日15度,他赤膊上陣,腳踏水鞋健步如飛。(何家達攝)



一頭白髮的是72歲的德師傅,與壯叔一樣不言休,耳靈目銳。(何家達攝)



辦公室連工場共有五個大魚缸,看似悠閒,但入冬後趕貨的日子,這裡是戰場。(何家達攝)



農曆年前,是錦祥記最忙的時間,訂單不絕,工場人少,摩打手的材哥,招呼完枱面堆積如山的臘腸,又要招呼訂貨的客人。(何家達攝)



幾個麻甩佬,你一言我一語,無句正經,手卻沒一刻停,六個人緊守生產線上不同崗位,互相補位很有默契。(何家達攝)



半世紀批發臘腸,自家生產貼上別家寶號,近年才在工場直銷自家品牌臘腸,讓識途老馬摸上門選購。 (何家達攝)


農曆新年前,是錦祥記最忙的日子,這裡,是香港最大的臘腸工場。「呢行忙半年閒半年,未來半年食粥食飯,就睇呢幾個月」。材哥余錦材,是錦祥記的第二代,退休回工場幫手,大哥余錦華主外,他主內。手作切肉腸,灌腸打針放氣,朝五晚五做足七日,至年三十才收爐。「以前呢度十幾個師父,依家最老嗰個八十幾歲,做埋我哋呢代,要入博物館嘞」。可幸兄弟同心,矢志戰至最後。 


記者 呂麗嬋

分享 讚好人數:0查看名單
  最喜歡,九五答八   

工場位於西環干諾道中的工廈,樓下遍佈海味舖,辦年貨熱點。「以前呢幢大廈9成舖做臘腸,依家執剩我同另外一間」。忙了一朝,難得坐低扒了一口飯的華哥說。現時全港只餘五間本地臘腸工場,數錦祥記規模最大,但工場其實亦只有六個人,且都七老八十!「我五十幾,已經係最後生嗰個」。材哥所言,確又無錯,年紀最大是83歲的「壯叔」李壯,對下是72歲的德師父。

不過老還老,個個氣如洪鐘,工場地下濕潺潺,人人腳踏水鞋健步如飛,反倒記者步步為營。其中最老師傅壯叔更人如其名,採訪當日15度,這個戰前老人赤膊上陣,坐在生產線另一邊的材哥,見記者嘖嘖稱奇,講了個冷笑話:「唔好話啲後生唔敬老,阿壯送貨去中環,推住架車仔,次次都有人搶住話要幫手,我問佢:「你老實講,有無人塞一百幾十叫你唔好做先?」

幾個麻甩佬,你一言我一語,就連內斂的壯叔,聞言亦偷偷笑,笑謂不怕冷,只怕無得做:「以前走難落嚟,做嘢為生存,辛苦命」。家住華富邨,仔大女大,生活無憂,但他謂期待「有工開」的日子,忙半年,見見新會同鄉老朋友,翌年農曆五月又埋班。「呢行嘅師傅年紀大,死嘅死,無人願入行,以前呢度十幾個師父,做埋我哋呢代,要入博物館嘞」。材哥謂不捨得都無辨法。「等於去打仗但無兵,前面有片江山等緊你都無用」。坐在一旁的華哥猛搖頭。

6、70年代,製作臘味行業最蓬勃,單西環一帶就有幾十間工場。臘腸好送飯,早年小家庭無雪櫃,一孖膶腸,耐放又惹味,過年必備。及至80年代內地改革開放,平價貨湧港,本土工場被打殘,要不就北移求存。「以前最緊要夠平,係近年關注黑心食品,我哋先叫有啲生存空間」。爸爸一代做批發,供貨給名食肆及海味舖,隱姓埋名為各大品牌生產,貼上別家標籤。習慣為他人作嫁衣裳,轉捩點是新加坡電視台越洋訪問,老字號工場曝光,加上近年勁吹本土熱,乏人問津的夕陽行業,忽然受注目。

對於這個遲來的春天,華哥慨歎太遲。「依家叫做有啲人識,喺工場都會直銷吓自己品牌嘅臘腸,但佔生意嘅比例唔多」。為圓心願,年前他把心一橫,和朋友合資在花園街街市投得檔口,出售自家品牌,可惜最後還是敵不過貴租,悉數頂手給朋友,膠袋上印的門市,再冇股份。「叫做還咗少少心願,已經無憾」。他說:「以前見到人哋一轉手賣高一兩倍,梗有啲心理唔平衡,但做埋零售,又要租舖又要宣傅,我都60幾,啲師父最老嗰個都80幾,我請佢真係試過俾人鬧,話我虐老!」

分享 讚好人數:0查看名單
  最喜歡,九五答八   
由西源里、石塘咀到現在的西環干諾道西;由無牌到有牌,子承父業,默默經營:「幾次想執咗去,但又唔捨得」。長達十年,淡季時揸小巴幫補生計。「做廚房、喺街市劏雞,咩都做過,以前會諗,人做生意我做生意,點解我做到隻狗咁,樓都賺唔到一層」。年前終於捱出抑鬱症,需長期服藥。「好大壓力,好在我鍾意小動物,養吓魚減壓」。辦公室連工場共有五個大魚缸,又有一隻很親人的異國短毛貓「肥仔」,儼如動物園。

「佢好多粉絲,成日有人送啲毛巾罐頭上嚟」。總是眉頭緊皺的華哥,說起肥仔始露歡顏。畢竟夕陽行業,連心態都近黃昏。「好彩細佬退休返嚟幫手,佢知道工場點運作,幫輕唔少。講真,呢行無錢賺又辛苦,都係做埋我哋呢代,依家話剩4、5 間工場,有啲一個人做,70幾歲整咗擺門口賣,到呢度幾個師傅都走埋,就拉閘㗎嘞」。華哥說。
分享 讚好人數:0查看名單
  最喜歡,九五答八   
子承父業……
分享 讚好人數:0查看名單
傳承祖業!
分享 讚好人數:0查看名單
冬天吃最和味
分享 讚好人數:0查看名單
12年3月申請長者市區一人,其后加一人轉擴2變一般申請編號:G13026**已參加天倫樂,當12年4月開始排,14/1/17  S1   02/02/17收信約9號見主任,20/02/2017上網見轉S2;還沒收到信,終于有希望啦:)
頁首 首帖
重要提示:為免會員蒙受損失及為公平起見,一律嚴禁透露商戶或裝修師傅資料,
違者會被警告,嚴重者將被禁言甚至禁訪本討論區,敬請合作。(詳情) (用戶守則) 
十分抱歉! 您無權回帖。
如果您是會員但未登錄,請按此登錄
您不是我們會員? 請按此登記 (費用全免)。
成功登記後請按此重載本頁
谷氣經歷 - 裝修/購物/消費前必看! X